紋身師傅紋錯字 索性成個變做長方形就算 ?

2017年06月10日 星期六
紋身師傅紋錯字 索性成個變做長方形就算？
話說，早兩日成都公安就喺微博出咗個post，話佢哋捉到一個身上有紋身嘅疑犯喎！嗱，疑犯身上有紋身就當然唔出奇啦，話晒公安一年捉咁多人，有咩奇形怪狀嘅紋身未見過吖？之不過，呢名疑犯身上嘅紋身就真係連入咗行好耐嘅公安都表示聞所未聞喇⋯⋯

圖片來源：成都金牛公安／微博
大家睇下，呢名疑犯竟然紋咗個超大個嘅長方形喺背脊喎！
到底點解呢名疑犯要紋個長方形喺背脊呢？咁樣紋法唔會好痛咩？而當公安問疑犯其實個紋身係有咩含意嘅時候，個疑犯就話係因為紋身師傅唔小心紋錯咗隻字，所以就索性成個紋滿佢，變成一個長方形喎⋯⋯

圖片來源：成都金牛公安／微博
嗯嗯，真係畀呢個答案吹到啤一聲⋯⋯
唔知拎個銀仔出嚟刮下佢會唔會出現





圖片來源：警民直通車-上海／微博
btw，其實紋個長方形喺背脊又點啫？死兜爛兜都可以話係fashion吖（所以理解不能嘅嘢都可以當係fashion，好似係），但早前另一位身上有喜羊羊紋身嘅疑犯就真係兜都兜唔到喇⋯⋯
紋身真係唔好貪平.. 搵個好既師傅係好重要..如果唔係真係畀人笑親飽 !




文章轉載自：www.coco01.net